«محمود الليثي» باكيًا: أصعب ألم في الدنيا فراق الأم
كتب- أحمد عادل
قدم المطرب محمود الليثي اعتذارا لكل الناس التي رفض العمل معهم بعد وفاة والدته، وذلك في بث مباشر عبر حسابه الشخصي على موقع التواصل الاجتماعي فيسبوك.
وقال محمود الليثي باكيا في البث المباشر: بعتذر لكل الناس اللي اعتذرت لها عن شغل، بس ندرت ندر من أمي لما ماتت وربنا حققهالي، أني أطلع أحج الأول وأرجع أشوف شغلي وربنا عمره ما خذلني وروحت أحج الحمد لله، مكنتش أحب تشوفوني بالشكل دا بس طلعت اشكركم واعتذر عن تقصيري مع حبايبي وأخواتي.
كما قدم محمود الليثي نصيحة لكل شخص مازالت والدته على قيد الحياة، فقال: أي حد أمه عايشة ميعملش حاجة غير أنه يخدم تراب رجليها لأن أصعب ألم في الدنيا ألم الأم صدقوني، كل واحد يخلي باله من أمه، ربنا يرحم كل أمهات المسلمين أجمعين ويكفيهم من المرض كلهم.
وسبق وأن ظهر الفنان والمطرب الشعبي محمود الليثي في مقطع فيديو بعد وفاة والدته وعلق على وفاتها وهو منهار من البكاء ويدعو الله أن يلهمه الصبر على فراقها.
وتحدث محمود الليثي في مقطع فيديو عن والدته طالب من الله الصبر على فراقها وقال: “يارب صبرني على فراقها.. مكنتش متصور اليوم دا يجي، مفيش اعتراض علي قمر ربنا الحمدلله بس الفراق وحش، اللي عنده أم اوعى يسيبها خليك قاعد جنبها، وبقول لكل ام في العالم ربنا يخليكي ويديكي الصحة ويبعد عنك المرض ويديكي الصحة ويحميكي وميحرقش قلب ولادك عليكي.. ربنا يخليلكوا أمهاتكوا واللي امه ماتت ربنا يدخلها الجنه، ادعولي واعذروني اني اعتذرت عن شغل كتير والناس قبلتها بصدر رحب، وبشكر كل الناس اللي عزتني في امي سواء جم ولا مجوش وربنا يجعله في ميزان حسناتكوا”.
