«كاملة أبو ذكري»: التدخل في عمل المخرج قلة أدب
كتب- أحمد عبد العليم
أكدت المخرج كاملة أبو ذكري، أن تدخل الفنان في عمل المخرج أمر غير مقبول ولم يحدث معها قبل ذلك.
وقالت أبو ذكري خلال حوارها ببرنامج “حبر سري” مع الإعلامية أسما ابراهيم: “تدخل الفنان في عمل المخرج قلة أدب ومحصلش معايا ولكن بسمع أن في ممثلين بيتدخلوا في اختيار الممثلين اللي قدامهم واختيار الكاميرا وكتابة السيناريو”.
وأضافت أن كل فرد في تصوير العمل الفني له مهنته والممثل الذي يتدخل في عمل المخرج يرسم طريقه للفشل، مضيفة: “اشتغلت مع نجوم كبار وعمري ما شفت عادل إمام بيتدخل في الإخراج أو السيناريو وده اللي بوظ الدنيا وكل واحد كان عارف شغلته”.
وتابعت: “المخرج اللي يوافق على كده عشان عايز يشتغل ويرضي النجم ومش عايزين حد يقول دمه تقيل وبيبقى مخرج ضعيف والقصة مش زعيق ولا فرض رأي ولكن المخرج هو المسئول عن كل حاجة وهو القائد”.
وبسؤالها عن الفنان الوحيد الذي تسمح له بالتدخل في عملها، صرحت: “لو عادل إمام أو أحمد زكي هو اللي يعمل اللي هو عايزة وأي حاجة هيقولوها أوافق عليها وأي حد غيرهم مستحيل أوافق يتدخل في عمل الإخراج”.
عبرت المخرجة كاملة أبو ذكري، عن أمنيتها العمل مع النجم محمد رمضان.
وقالت كاملة أبو ذكري خلال حوارها ببرنامج “حبر سري” مع الإعلامية أسما ابراهيم: “اشتغلت مع نجوم كتير بس نفسي أشتغل مع كريم عبد العزيز ومشتغلتش معاه خالص ونعرف بعض من عمر طويل ووالده أستاذي واشتغلت مع نجوم الجيل ده”.
