«أحمد حلمي»: عادل إمام مثلي الأعلي ومقدرش أعمل مسرحية تقعد 11 سنة

كتب- أحمد عادل

تحدث الفنان أحمد حلمي عن النجم عادل إمام والنجاح الكبير الذي حققه على خشبة المسرح موضحا أنه قدوته.

وقال أحمد حلمي في لقاء مع et بالعربي: “قدوتي في المسرح الزعيم عادل إمام، بالنسبة ليا يعني إيه مسرحية تقعد 7 سنين؟ وأقل مسرحية تقعد 5 سنين وفي مسرحية بتقعد 11 سنة، إزاي الجمهور مخلصش المفروض يخلص”.

وعن إمكانية تقديمه مسرحية يستمر في عرضها لـ11 سنة كما حدث مع مسرحية “بودي جارد” لعادل إمام، قال أحمد حلمي: “مقدرش أقدم مسرح يقعد 11 سنة، دا رقم الزعيم محدش يجي ناحيته، 11 سنة إلا يوم أقف لأن دا الرقم القياسي بتاعه محدش يقدر يكسره”.

وتحدث أحمد حلمي عن عودته للوقوف على خشبة المسرح بعد غياب 23 عاما منذ آخر مسرحياته “حكيم عيون” وقال: ” من وقت حكيم عيون لحد النهاردة المسرح خد منحنى قرب للانقراض لغاية ما ابتدى يرجع تاني وابتدى في إقبال جماهيري الناس بتحب المسرح، الاختلاف من وقتها للنهاردة بقى فيه تقنيات حديثة وشكل جديد وناس بتقدم حاجات زي ما بنتفرج على خدع بتحصل في السينما جوا خشبة المسرح، وأتمنى نوصل للمستوى العالمي ده لأن هو دا الإبهار المسرح مش بس ضحك، ضحك وابهار”.

يشارك في بطولة مسرحية “ميمو” إلى جانب أحمد حلمي، هنا الزاهد، أحمد رزق، حمدي المرغني، محمد رضوان، رحمة أحمد، نور إيهاب، إنتاج كرافت ميديا، تأليف ضياء محمد، إخراج هشام عطوة.

وكانت مسرحية “ميمو” لاقت نجاحا كبيرا عند عرضها في المملكة العربية السعودية، وعرضها في الرياض وجدة والطائف.